Vision & Mission

ພັດທະນາໂຍທາທິການ ແລະ ຂົນສົ່ງ ເປັນປາຍແຫຼມ, ມີຈຸດສຸມ, ທົນທານ, ທັນສະໄໝ, ປອດໄພ, ເຊື່ອມໂຍງ-ເຊື່ອມຈອດ ແລະ ຍືນຍົງ

ປະຕິບັດນະໂຍບາຍ ຫັນ ສປປ ລາວ ຈາກປະເທດບໍ່ມີທາງຊາຍແດນຕິດກັບທະເລ ໃຫ້ກາຍເປັນສູນກາງການບໍລິການດ້ານຄົມມະນາຄົມຂົນສົ່ງຂອງພາກພື້ນ ທີ່ ພັກ-ລັດ ໄດ້ມອບໝາຍໃຫ້ ໂດຍສຸມໃສ່ປັບປຸງ, ຍົກລະດັບ ແລະ ກໍ່ສ້າງບັນດາໂຄງລ່າງພື້ນຄົມມະນາຄົມຂົນສົ່ງ ເພື່ອອໍານວຍຄວາມສະດວກໃຫ້ແກ່ຂົນສົ່ງສິນຄ້າ ແລະ ໂດຍສານ ໃນຂອບເຂດທົ່ວປະເທດ ລວມທັງເຊື່ອມໂຍງ-ເຊື່ອມຈອດ ກັບພາກພື້ນ ແລະ ສາກົນ. ພ້ອມກັນນັ້ນ, ຍັງໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາບັນດາຕົວເມືອງ ແລະ ລົບລ້າງຄວາມທຸກຍາກ ດ້ວຍການສືບຕໍ່ພັດທະນາໂຄງລ່າງພື້ນຖານສໍາລັບການຜະລິດ ແລະ ການບໍລິການ ໃຫ້ມີຄວາມຫຼາກຫຼາຍ ແລະ ເຂັ້ມແຂງ, ໄດ້ເອົາໃຈໃສ່ວາງແຜນໃຊ້ຈ່າຍງົບປະມານ ຢ່າງເຄັ່ງຄັດ, ມີປະສິດທິຜົນ, ເກີດດອກອອກຜົນ, ສ້າງຜົນຕອບແທນທີ່ຄຸ້ມຄ່າກວ່າເກົ່າ ແລະ ເຮັດໃຫ້ການພັດທະນາມີຄຸນນະພາບສູງຂຶ້ນກວ່າເກົ່າ ຕາມທິດສີຂຽວ ແລະ ຍືນຍົງ.